საკრებულოში ილია ჭავჭავაძის ხსენების დღისადმი მიძღვნილი ღონისძიება
ახალი ამბები
Copyright © 2012 Created and supported by archive.security.gov.ge
საკრებულოში განათლებისა და კულტურის კომისიის ორგანიზებით, ილია ჭავჭავაძის ხსენების დღისადმი მიძღვნილი ღონისძიებები გაიმართა
თბილისის საკრებულოს განათლებისა და კულტურის კომისიის ინიციატივითა და საქართველოს შინაგან საქმეთა სამინიტროს თანადგომით, ილია ჭავჭავაძის ხსენების დღესთან დაკავშირებით საკრებულოს დიმიტრი ყიფიანის სახელობის სხდომათა დარბაზში შსს აკადემიის არქივის მიერ გადაღებული უნიკალურ მასალებზე დაფუძნებული ახალი დოკუმენტური ფილმის „ვინ მოკლა ილია“ ჩვენება მოეწყო.
ღონისძიების ფარგლებში საკრებულოს თამარ მეფის სახელობის დარბაზში გამოფენა გაიმართა, რომელზეც წარმოდგენილი იყო ილია ჭავჭავაძის ლიტერატურულ-მეორიალური მუზეუმის ექსპონატები სერიებიდან „ილია XXI საუკუნის ადამიანი“, „ილია და ევროპა“, ასევე „უდანაშაულობის პრეზუმფცია“.
როგორც საკრებულოს განათლებისა და კულტურის კომისიის თავმჯდომარემ თამარ ტალიაშვილმა განაცხადა, 11 სექტემბერი წმინდა ილია მართლის გახსენების დღედ პატრიარქის ლოცვა-კურთხევით ტრადიციად გასული წლიდან დამკვიდრდა. ,,ვფიქრობ, აღნიშნული ინიციატივა საზოგადოებაში და კერძოდ, ახალგაზრდებში ილიასეული ღირებულებების, სამართლიანობის, კანონიერებისა და ჰუმანიზმის გაღრმავების თვალსაზრისით ძალიან მნიშვნელოვანია’’,- განაცხადა თამარ ტალიაშვილმა.
ღონისძიებას საკრებულოს დეპუტატებთან ერთად თბილისის მერიის, შინაგან საქმეთა სამინისტროსა და საპატრიარქოს წარმომადგენლები, ასევე ახალგაზრდები არასამთავრობო ორგანიზაციებიდან და საზოგადოებისთვის ცნობილი სახეები ესწრებოდნენ.
წმინდა ილია მართლის ხსოვნისადმი მიძღვნილი დღე ქართველ მწერალთა და საზოგადო მოღვაწეთა მთაწმინდის პანთეონში გაგრძელდა სადაც, საკრებულოს დეპუტატებმა მის ხსოვნას პატივი მიაგეს და უდიდესი საზოგადო მოღვაწისა და წმინდანის საფლავი გვირგვინით შეამკეს.
11951656_908273065912656_8687786905320762290_o 11958060_908273002579329_9130034477957347360_o 11986961_908272985912664_7406481904065531428_n
11999651_908273032579326_6353289786223395196_o 12000911_908273015912661_3513943288229850961_o 12002906_908273055912657_2689052648779961089_n
FLVPlayer requires JavaScript and the latest Flash player. Get Flash here.